Д-р на медицински науки Борис Војдановски Банг е роден во Велес 1943 година. Медицински факултет завршил во Ниш во 1970 година. По дипломирањето работел како стручен соработник, потоа како шеф на информативната служба на фирмата Баер Фарма за Југославија.

Во 1977 г. започнал специјализација по анестезиологија во Бад Херсфелд, Германија. Од 1982 до 2006 работи како Oberarzt (искусен лекар) на Ортопедската клиника во Касел, Германија, која е дел од Филипс  Универзитетот од Марбург. Докторирал на Медицинскиот факултет во Скопје во 2002 година.

Има објавено повеќе од 80 стручни трудови во еминентни светски списанија, балкански списанија и во Македонија. Во 2004 година има објавено книга “Спинална анестезија” на македонски јазик. Во германскиот прирачник за анестезија “Klinikleitfaden Anaesthesie” е автор на поглавјето за регионалните анестезии. Сфери на посебни интерес му се регионалните анестезиолошки методи кај деца и возрсни, интратекалната постоперативна аналгезија, афтотрансфузијата во ортопедската хирургија, а последни 10 години се занимава со алтернативна и ТКМ - традиционална кинеска медицина и др.

Од 2000 г. Д-р Војдановски епочесен член на Македонското здружение на анестезиолози и на Македонското здружение на ортопеди и трауматолози, а воедно е и член на редакцискоит одбор на Акта анестезиологика на Р. Србија. Во изминатите години повеќе пати бил гостин ма Медицинскиот факултет во Скопје, Ниш и Белград со демострации и предавања од областа на регионалните анестезии.

Во 90-тите години повеќекратно донирал медицински материјали во Македонија, Србија, Црна Гора и Босна и Херцеговина.
Od 2005 godina se zanimava isklucitelno so alternativna medicina.